Identifikohen 3 personat të cilët udhëtonin me automjetin “Audi” që u përfshi në aksidentin rrugor në hyrje të Vlorës, ku mbetën të vdekur 4 persona.
Bëhet me dije se tre të rinjtë janë Fabio Lamaj, Glori Selimi dhe Igli Madani nga Tirana, të cilët janë dërguar me urgjencë në spital dhe ndodhen jashtë rrezikut për jetën.
Kujtojmë se në aksidentin tragjik të ndodhur rreth orës 08:20, humbën jetën 4 pjesëtarë të një familje të cilët ishin kthyer nga Greqia, dy prindërit dhe dy fëmijët e mitur.
Në vendngjarje ndodhet grupi hetimor, i cili po kryen veprimet e mëtejshme për sqarimin e rrethanave të aksidentit, identifikimin e viktimave dhe të personave të plagosur.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
