Një ngjarje e rëndë është regjistruar paraditen e sotme në Korçë ku një person i ka dhënë fund jetës.
Sipas informacioneve paraprake, mësohet se një person rreth 60 vjeç, është hedhur nga kati i katërt i një pallati.
60-vjeçari ka ndërruar jetë ndërsa nuk dihen ende shkaqet që e kanë çuar drejt vetëvrasjes, pasi nuk është banor i lagjes dhe i pallatit ku ka ndërmarrë aktin e rëndë.
Mësohet se i moshuari është ngjitur në katin e katërt dhe më pas është hedhur nga ballkoni i korridorit.
Policia tha zyrtarisht se, rreth orës 09:35, në lagjen nr. 15, dyshohet se ka rënë nga lartësia shtetasi A. F., 60 vjeç, banues në lagjen nr. 5, i cili si pasojë e plagëve të marra ka ndërruar jetë.
Grupi hetimor po punon për zbardhjen dhe dokumentimin e plotë të rrethanave të këtyre rasteve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
