Ervin Karamuço nga studio e ‘MCN Live’ ka komentuar aksidentin tragjik të ndodhur mbrëmjen e djeshme ku mbetën të vdekur 3 persona dhe 3 të plagosur pasi dy automjete tip "Opel Zafira" dhe "Ford" janë përplasur me njëri-tjetrin.
Karamuço deklaroi se aksi ku ka ndodhur aksidenti konsiderohet mjaft problematik, ndërsa theksoi se javët e fundit është ngritur alarmi nga policia rrugore për shtim të tyre si pasojë e mungesës së përqendrimit.
Ai tha se shkaktarë të vërtetë të aksidenteve janë mungesa e elementëve në rrugë, ndërsa bën apel se duhet të shtohen masat pasi ndikim të lartë në aksidentet ka cilësia e rrugës.
Levan- Fier ku ndodhi aksidenti tragjik me tre viktima konsiderohet një aks problematik pa sinjalistikë, ka pasur reshje, mungon ndriçimi, të gjitha kanë influencuar në aksidentin e infektivit. Është një tragjedi e rëndë. Policia rrugore ka ngritur një alarm të madh që ka shtim të aksidenteve për shkak të mungesës së përqendrimit. Është raportuar një rritje e aksidenteve javët e fundit për shkak të mungesës së përqendrimit. Masat duhen shtuar por edhe vëmendja e përdoruesit të rrugës. Nuk dimë rrethana të tjera sepse ngjarja është ende në hetim, por shkaktarë të vërtetë të aksidenteve janë mungesa e elementëve në rrugë. Duhet të shtohen masat.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
