Maqedonia e Veriut ka arritur marrëveshje me kompaninë Pfizer për blerjen e 800 mijë vaksinave kundër COVID-19.
Por fillimisht, Maqedonia do të ketë mundësi të marrë vetëm 6 mijë vaksina dhe këto pritet të mbërrijnë në muajin shkurt.
Të parët që do të vaksinohen janë punonjësit e shëndetësisë, prej të cilëve 70% janë shprehur të gatshëm për t’u vaksinuar.
Përveç blerjes së 800 mijë dozave tek Pfizer, Maqedonia e Veriut pret 800 mijë vaksina të tjera përmes sistemit COVAX.
Marrëveshja e arritur me Pfizer nuk është bërë publike për shkak se kompania ka kërkuar nga qeveria e RMV të mbetet sekret.
Maqedonia e Veriut, një shtet me dy milionë banorë, planifikon që deri në fund të vitit 2021 të ketë vaksinuar 1.2 milionë qytetarë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
