OFL në Berat e Tiranë u çon formularët katër të dënuarve për drogë, vjedhje me dhunë dhe rrëmbim personi

Operacioni Forca e Ligjit ka vazhduar sot me aksionin për dërgimin e formularëve të vetëdeklarimit  kësaj rradhe për katër të dënuarë në Berat dhe një në Tiranë. Tauland Starova, Marinelo Sula, Kliton Hoxha, Nderim Deliu dhe Gramos Toto kanë 48 orë kohë t'i përgjigjen pyetjeve të OFL-së për pasurinë e tyre.

Në kuadër të zbatimit të Ligjit Special për masat pasurore ndaj individëve të dënuar apo akuzuar për krim të organizuar apo krime të rënda, OFL i ka nisur kërkesat me shkrim për vetëdeklarimin e burimeve të pasurisë, shtetasve:

- Tauland Starova, banues në Tiranë, i dënuar në Zvicër, për veprën penale “Trafikimi i narkotikëve”;

- Marinelo Sula, banues në Urën Vajgurore, Berat, i dënuar për veprën penale “Vjedhja me dhunë”;

- Kliton Hoxha, banues në Berat, i dënuar për veprën penale ’’Vjedhja me dhunë”;

- Nderim Deliu, banues në Berat, i dënuar për veprën penale “Rrëmbimi ose mbajtja peng e personit”;

- Gramos Toto, banues në Berat, i dënuar në Itali për veprën penale “Trafikimi i narkotikëve”.

Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme.