Dhunuan bashkëshortet/ Arrestohet 58-vjeçari në Gramsh, në pranga 43-vjeçari në Belsh

Një 58-vjeçar u arrestua në Gramsh dhe një 43-vjeçar u vu në pranga në Belsh, pasi dyshohet se kanë dhunuar bashkëshortet e tyre. 

Në njoftim thuhet:

Specialistët për Hetimin e Krimeve të Komisariatit të Policisë Gramsh kapën dhe ndaluan shtetasin e shpallur në kërkim G. Zh., 58 vjeç, banues në Gramsh, pasi ka ushtruar dhunë ndaj bashkëshortes së tij, e cila u pajis me urdhër mbrojtjeje.  

Specialistët për Hetimin e Krimeve të Komisariatit të Policisë Cërrik referuan materialet në Prokurori ku nisi procedimi në gjendje të lirë për shtetasin H. V., 43 vjeç, banues në Belsh, pasi ka ushtruar dhunë ndaj bashkëshortes së tij.