Aksident me pasojë një person të vdekur është regjistruar mbrëmjen e djeshme në qytetin e Fierit.
Specialistët e Sektorit të Qarkullimit Rrugor në DVP Fier arrestuan në flagrancë shtetasin E. B., 29 vjeç, banues në Dërmënas, Fier, pasi në datë 23.06.2022, rreth orës 22:00, në aksin rrugor Hamil-Dërmënas, duke drejtuar automjetin tip "Audi", ka përplasur shtetasin e mitur 15 vjeç, banues në Hamil, i cili po udhëtonte me biçikletë, dhe është larguar nga vendngjarja.
Menjëherë pas aksidentit i mituri është dërguar me urgjencë në spitalin rajonal të Fierit, ku dhe ka ndërruar jetë si pasojë e plagëve të marra.
Materialet i kaluan Prokurorisë, për veprime të mëtejshme procedurale për veprat penale "Shkelja e rregullave të qarkullimit rrugor" dhe "Largim nga vendi i aksidentit".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
