30-vjeçari në Sarandë aksidentohet duke notuar në pishinë, dërgohet tek Trauma

Një 30-vjeçar me inciale M.J është dëmtuar aksidentalisht në kokë duke notuar në pishinë.

I lënduari është paraqitur për ndihmë mjekësore në spitalin e Sarandës, por më pas është dërguar drejt spitalit të Tarumës në Tiranë për ndihmë të specializuar.

Njoftimi: Sarandë/Informacion paraprak

Sot, në mesditë, në spitalin e Sarandës është paraqitur për ndihmë mjekësore, shtetasi M. J., 30 vjeç, banues në Dibër, i cili dyshohet se është dëmtuar aksidentalisht në kokë, duke notuar në pishinë. 30-vjeçari është dërguar në Spitalin e Traumës, Tiranë, për mjekim më të specializuar.

Grupi hetimor po kryen veprimet për sqarimin e plotë të rrethanave të ngjarjes.