4 të vdekur dhe 52 raste të reja me koronavirus në Maqedoninë e Veriut

Gjatë 24 orëve të fundit, numri i të infektuarve në Maqedoninë e Veriut përsëri është rritur, duke regjistruar edhe 52 raste të reja.

Rastet e reja janë nga: Shkup (26), Kumanovë (6), Shtip (7), Tetovë (9), Strugë (2), Veles (1) dhe Koçani (1).

Fatkeqsisht kemi edhe 4 raste të përsonave që kanë ndërruar jetë gjatë 24 orëve të fundit, 2 prej tyre janë nga Shkupi, një nga Tetova dhe një nga Velesi.

Gjithashtu, janë regjistruar edhe 30 pacientë të cilët janë shëruar plotësisht.

Maqedonia e Veriut e ka shkallën më të lartë të vdekshmërisë nga koronavirusi në rajon. Vendi me rreth 2 milion banorë ka regjistruar 122 viktima deri tash, mbi 2 mijë të infektuar, prej të cilëve mbi 470 raste aktive. Ekspertët e shpjegojnë këtë me testet e shumta që janë bërë, madje edhe tek personat e vdekur nga sëmundje të tjera.