Një person me detyrë roje në kompaninë TAP është arrestuar nga policia e Korçës, i cili duke shpërdoruar detyrën vidhte naftën e automjeteve. Në pranga është vënë Ilia Liçi, 52 vjeç, banues në Korçë.
Arrestimi i tij erdhi pasi Liçi duke qenë me detyrë roje në një shoqëri private të ruajtjes dhe sigurisë fizike, është kapur në flagrancë gjatë natës në fshatin Polenë, duke vjedhur një sasi të konsiderueshme nafte në mjetet e gazsjellësit “TAP”.
Lidhur me rastin, materialet i kaluan Prokurorisë të Rrethit Gjyqësor Korçë, për veprën penale “Vjedhja e kryer duke shpërdoruar detyrën”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
