Komisioni i Pavarur i Kualifikimit vendosi sot konfirmimin në detyrë të Natasha Priftit (Shallapi), prokurore pranë Prokurorisë së Rrethit Gjyqësor Lushnjë.
Trupa gjykuese e përbërë nga Roland Ilia, Alma Faskaj dhe Etleda Çiftja pasi analizoi provat dhe fakte vendosi konfirmimin në detyre të subjektit të rivlerësimit Natasha Prifti (Shallapi), prokurore pranë Prokurorisë së Rrethit Gjyqësor Lushnjë.
Vendimi i arsyetuar me shkrim nga trupi gjykues i kryesuar nga Roland Ilia, Etleda Çiftja relatore, Alma Faskaj anëtare, do t’u njoftohet subjektit të rivlerësimit, komisionerëve publikë dhe vëzhguesve ndërkombëtarë brenda 30 ditëve.
Natasha Prifti (Shallapi) përfundoi studimet në Shkollën e Magjistraturës në vitin 2008 dhe pas një periudhe stazhi në Fier u emërua prokurore në Prokurorinë e Gjirokastrës.
Prej vitit 2012, ajo e ushtron funksionin në Prokurorinë e Rrethit Lushnjë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
