Një 48-vjeçar nga Malësia e Madhe është vënë në pranga nga policia e Shkodrës pasi në mjetin e tij u gjet një sasi prej 27 kg lëndë narkotike e llojit kanabis.
Pas marrjes së informacionit se në mjetin e tij kishte kanabis, policia është vënë në ndjekje të një personi, që më pas është identifikuar si K.Q., 30 vjeç, banues në Shkodër. Ndërsa lëvizte në lagjen "Skënderbeg" Shkodër, atij i është dhënë sinjal për të ndaluar, por nuk i është bindur urdhrit duke vazhduar lëvizjen.
Gjatë ndjekjes nga policia, 30-vjeçari ka braktisur mjetin duke u larguar me shpejtësi. Nga kontrolli që është ushtruar në mjetin që drejtonte, tip "Mitsubishi" me targë AA 193 NL, u gjetën 3 thasë me një sasi totale prej 27 kg lëndë e dyshuar kanabis sativa, e cila u sekuestrua në cilësinë e provës materiale.
Nga veprimet e kryera rezultoi se automjeti është në pronësi të shtetasit Aleksandër Malaj, 48 vjeç, banues në Malësi të Madhe, i cili është vënë në pranga.
Malaj dyshohet se bashkëpunonte me 30-vjeçarin dhe ia kishte dhënë me qera mjetin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
