“Aksi” u kodua një operacion i policisë së Tiranës, gjatë të cilit u arrestuan dy persona dhe u sekuestrua 10 kilogramë kanabis sativa dhe një armë gjahu pa leje.
Gjatë këtij operacioni në aksin rrugor Nikël-Fushë Krujë, u vunë në pranga Sh. H., 34 vjeç, banues në Nikël dhe I. T., 43 vjeç, banues në Fushë Krujë.
Gjatë ndërhyrjes nga shërbimet e policisë, dy të dyshuarit u kapën në flagrancë duke transportuar me automjet tip “Wolswagen”, dy thasë me lëndë të dyshuar kanabis sativa, me peshë totale 10 kilogramë.
Më tej, gjatë kontrollit të banesës së 34-vjeçar iu gjet një armë gjahu, pa leje, e cila u sekuestrua në cilësinë e provës materiale bashkë me lëndën narkotike, automjetin dhe 3 celularë.
Ndaj të dyshuarve materialet i kaluan Prokurorisë, për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
