Një aksident i rëndë ka ndodhur mbrëmjen e sotme në lagjen numër 6, të qytetit të Korçës. Sipas informacioneve të policisë, shtetasi R. K., duke drejtuar automjetin, ka humbur kontrollin dhe si pasojë ka përplasur djalin e tij të mitur.
6-vjeçari ka pësuar dëmtime në trup, ndërsa është dërguar me urgjencë në spital. Në vendngjarje ka shkuar grupi hetimor për zbardhjen e rrethanave të ngjarjes.
Njoftimi i policisë:
Më datë 30.08.2022, rreth orës 19:30, në lagjen nr. 6, Korçë, shtetasi R. K., duke drejtuar automjetin tip “Opel”, dyshohet se ka humbur kontrollin e mjetit dhe për pasojë ka aksidentuar djalin e tij të mitur 6-vjeçar, i cili aktualisht ndodhet në Spitalin e Korçës nën kujdesin intensiv të mjekëve.
Grupi hetimor po kryen veprimet procedurale dhe po punon për sqarimin e rrethanave të ngjarjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
