Katër persona të maskuar sot në mëngjes kanë sulmuar me molotov televizionin grek “SKAI”.
Mediat greke shkruajnë se sulmi ka ndodhur rreth orës 03:00 të mëngjesit, ku katër persona të maskuar me kapuç sulmuan me molotov mjediset e televizionit “SKAI” në Faliro dhe u zhdukën.
“Katër persona të maskuar po lëviznin përreth murit rrethues të ndërtesës, në pjesën perëndimore, ku dhe hodhën disa molotov dhe më pas u larguan, fatmirësisht ata nuk shkaktuan dëme serioze”, shkruan Protothema.
Mësohet se pas sulmit, rojet e televizionit, kanë njoftuar menjëherë policinë, ndërsa në vendngjarje mbërriten edhe forca të shumta zjarrëfikëse.
Policia ka nisur hetimet në lidhje me shkaqet e sulmit, si dhe ka vazhduar kontrollet për zbulimin dhe arrestimin e autorëve.
Në emisionin e mëngjesit “Kalimera” në SKAI, gazetari Giorgos Avtias, tha: Ne jemi mirë të gjithë dhe televizioni do të vazhdojë normalisht me programet e tij.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
