Gazetarja Klodiana Lala, e ftuar në emisionin "Të Paekspozuarit" në MCN TV, teksa foli për ngjarjen e rëndë ku një polic i qarkullimit rrugor u hodh nga lartësia, tha se kjo është një çështje me shumë pikëpyetje që duhet hetuar urgjentisht nga Prokuroria.
Sipas saj, vetë AMP nuk ka asnjë hetim penal.
Është një çështje që duhet hetuar. Nëse Martin Mane është arrestuar dhe ka qenë nën efektin e alkoolit duhej bërë testi i alkoolit dhe të mbahej përgjegjësi. Nëse Martin Mane është arrestuar në mënyrë të paligjshme dhe vetëm se është djali i biznesmenit, atëherë mund të ngremë dyshime se ndoshta struktura bën shantazh. Në të dyja drejtimet po ta kapim, duhet një hetim. Sot jam në krahun e Azbiut sepse ai është hallka më e dobët, ku është tentuar të shkarkohet e gjithë përgjegjësia.
Nëse është arrestuar dhe është favorizuar ka nevojë për hetim. Nëse është arrestuar në mënyrë të paligjshme dhe është tentuar sulm ndaj Samir Manes, duhet sërish hetim. Heshtja e institucioneve më bën të dyshoj se nuk është një situatë bardhë e zi.
AMP nuk ka asnjë hetim penal në lidhje me këtë situatë. Nëse punonjësit e policisë e kanë shkelur, pse nuk ka procedurë hetimore? Prokuroria duhet hetim të thelluar, t’i mbledh të gjithë policët dhe ti pyes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
