Gjykata ka vendosur masën “arrest me burg” për Elton Metaj, 31-vjeçarin që vrau disa ditë më parë ish-bashkëshorten 23-vjeçare Sabrina Bengaj.
Gjatë seancës ai është shfaqur në gjendje të rënduar psikologjike dhe ka pranuar që ka kryer krimin, teksa ka theksuar se vjehrri i ka bërë presion gjatë gjithë kohës duke e kërcënuar se do ta vrasë.
E doja vajzën, por e bëra për shkak të kërcënimeve të shumta e nga presioni i vjehrrit duke më thënë vazhdimisht se do të më vrasë. Armën e bleva për vetëmbrojtje.
Metaj akuzohet për veprën penale “vrasje për shkak të marrëdhënieve familjare”.
Ai ekzekutoi ma kallashnikov ish-gruan në banesën e kësaj të fundit në Zhupan të Fierit, mbrëmjen e së premtes. Metaj shkoi në shtëpinë e ish-bashkëshortes dhe e qëlloi për vdekje, ndërkohë që kjo e fundit po konsumonte darkën.
Ndërkohë, në 20 shtator të vitit të shkuar për më shumë se 5 orë Elton Meta në kërcënimin e armës mbajti peng ish-bashkëshorten dhe familjen e saj në banesën e tyre, duke qëlluar dy herë në ajër.
Ai u neutralizua nga Renea dhe u dorëzua. 31-vjeçari u prangos dhe ndaj tij u ngritën 3 akuza, 'dhunë në familje', 'kundërshtim të forcave të policisë' dhe 'armëmbajtje pa leje'.
Dhe pse me akuza të rënda, Elton Metaj fitoi lirinë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
