Një tjetër shqiptar në Athinë është ekzekutuar me armë zjarri.
Lajmi raportohet nga mediat greke, të cilat thonë se ngjarja e rëndë është shënuar mesnatën e së shtunës.
Viktima është 33 vjeç, por gjeneralitetet e tij nuk bëhen të ditura.
Shqiptari u qëllua me armë zjarri në rrugë, në lagjen “Hajdari”, duke marrë plagë të rënda në shpinë.
Ai u transportua në spital, pasi u gjet i shtrirë në rrugë nga kalimtarë të rastit, por nuk mundi të mbijetojë, duke ndërruar jetë aty.
Ende nuk dihet nëse ka qenë një apo disa autorë për vrasjen e të riut shqiptar, të cilët janë ende në arrati, ndërsa autoritetet greke kanë nisur hetimet për zbardhjen e ngjarjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
