Gazetari Besmir Pula tha në studion e MCN Live se SPAK ka lëshuar 9 urdhërarreste në kuadër të operacionit për tjetërsimin e pronave në Gjirin e Lalzit.
Pula bën me dije se veç vëllait të deputetit socialist Kume është arrestuar dhe vëllai i Rrumit të Shijakut dhe po ashtu janë lëshuar urdhër arreste për pjesëtarë të grupit Avdylaj.
Përmes burimeve mësohet se janë lëshuar 9 urdhërarreste. Mes tyre vëllai i deputeti socialist, vëllai i Rrumit të Shijakut dhe persona të tjerë. Ka dhe urdhër arreste për grupin Avdylaj në zonën e Shijakut. Ka pasur informacione nëse mund të ndodheshin në atë zonë dhe ndaj është kryer përgjatë natës ky aksion.
Një pjesë e këtyre personave rezultojnë dhe në dosje të tjera penale. Rrumi i Shijakut ka qenë i përfshirë për tjetërsimin e pronave në Gjirin e Lalzit, janë mijëra metra katrorë. Bandat në zonë e Durrësit janë munduar përmes bandave të tjetërsojnë mijëra metra hektarë. Rrumi i Shijakut është personazh kryesor në këtë histori.
Po në këtë histori janë dhe personazhe nga grupi Avdylaj.
Me sa kemi parë, fakti që janë në të njëjtin qytetet, është i njëjti operacion, ka gjasa që të jenë për të njëjtat krime që mund të kenë bashkëpunuar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
