Aksident në Fushë-Krujë, të vdekur e të plagosur pas përplasjes së një makine me autobusin

Një aksident i rëndë ka ndodhur pasditen e sotme në aksin Fushë Krujë – Tiranë.

Një makinë tip Benz dhe një autobus janë përplasur në afërsi të fshatit Tapizë.

Për pasojë, një person ka mbetur i vdekur dhe 6 persona janë plagosur.

Disa prej të plagosurve janë transportuar drejt Tiranës.

Sipas policisë, aksidenti ka ndodhur rreth orës 17:30, në aksin rrugor Tiranë-Fushë Krujë, në Tapizë.

I vdekur ka mbetur shtetasi F.Xh.,59 vjeç, shofer i njërës prej makinave. 

“Po si pasojë e përplasjes janë dëmtuar dhe 6 pasagjerë të tjerë të autoveturës dhe autobuzit, të cilët janë dërguar në spital nën kujdesin e mjekëve jashtë rrezikut për jetën", njofton policia.