Një plagosje me armë zjarri ka ndodhur paraditen e sotme në qytetin e Vlorës. Sipas uniformave blu, shtetasi Marion Mitro, banues në Vlorë është paraqitur në spital me një plagë në trup të shkaktuar nga arma e zjarrit
Ai ndodhet jashtë rrezikut për jetën, ndërsa vijon të mbahet nën kujdesin e mjekëve. Ndërkohë, policia bën të ditur se në aksin rrugor Vlorë-Selenicë është gjetur një makinë e përfshirë nga flakën, e cila dyshohet se i përket autorit të dyshuar të kësaj ngjarje.
Njoftimi i policisë:
Sot, rreth orës 10:00, në spitalin e Vlorës, ka shkuar i plagosur (dyshohet me armë zjarri, në rrethana ende të paqarta), shtetasi M. M., banues në Vlorë, i cili ndodhet nën kujdesin e mjekëve, jashtë rrezikut për jetën.
Gjatë krehjes së zonës, në aksin rrugor Vlorë- Selenicë, nga shërbimet e Policisë është konstatuar duke u djegur një automjet i braktisur i markës “Land Rover”, i cili paraprakisht dyshohet se mund të jetë i autorit të ngjarjes.
Vijon krehja e zonës nga shërbimet e DVP Vlorë, për identifikimin dhe kapjen e autorit/ve.
Grupi hetimor, në bashkëpunim me Prokurorinë, po punon për sqarimin e rrethanave të ngjarjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
