30-vjeçarja në Durrës i futet në shtëpi ish-vjehrrës dhe e dhunon

Një 30-vjeçare u arrestua nga Policia e Durrësit për dhunë.

 E reja akuzohet se i është futur në shtëpi ish-vjehrrës dhe e ka dhunuar me sende të forta.

Veprimi i saj, sipas policisë, është në kundërshtim me vendimin e gjykatës për të mos u futur në banesë.

“Specialistët për Hetimin e Krimeve në Komisariatin e Policisë Durrës bënë shpalljen në kërkim të shtetases K. M., 30 vjeçe, banuese në Armathë, Durrës, pasi në kundërshtim me vendimin e Gjykatës është futur me forcë në banesën e ish-vjehrrës së saj dhe e ka goditur atë me sende të forta, e cila ndodhet nën kujdesin e mjekëve jashtë rrezikut për jetën.

Materialet i kaluan Prokurorisë së Rrethit Gjyqësor Durrës, për veprime të mëtejshme”, njofton policia.