Djali rrah babain, një tjetër nënën/ Arrestohen dy të rinj në Fier

Policia e Fierit ka njoftuar sot se në dy raste të ndara, ka ndaluar dy të rinj të cilët kanë ushtruar dhunë ndaj prindërve të tyre.

Kësisoj, specialistët për Hetimin e Krimeve të Komisariatit të Policisë Fier arrestuan në flagrancë shtetasit:

-A. H., 42 vjeç, banues në Fier, pasi ka ushtruar dhunë ndaj babait të tij;

-M. K., 24 vjeç, banues në Fier, pasi ka ushtruar dhunë ndaj nënës së tij.

Poashtu specialistët për Hetimin e Krimeve të Komisariatit të Policisë Divjakë arrestuan në flagrancë shtetasen S. B., 48 vjeçe, banuese në Çermë Sektor, Divjakë, pasi dyshohet se ka kanosur me mjet prerës, një shtetas.

Materialet procedurale i kaluan Prokurorisë, për veprime të mëtejshme.