Një person është plagosur teksa po pastronte armën e tij të gjahut në fshatin Kosmaç, në Vaun e Dejës.
Ngjarja ka ndodhur pasditen e kësaj të hëne rreth orës 16:10, në fshatin Kosmaç, Vau i Dejës, ku dyshohet se është dëmtuar aksidentalisht, duke pastruar një armë gjahu që e mbante me leje, shtetasi V. B., 54 vjeç.
I plagosuri është dërguar me urgjencë në spitalin rajonal për ndihmë mjekësore, ku raportohet se ndodhet nën kujdesin e mjekëve.
Arma e gjahut është sekuestruar në cilësinë e provës materiale. Grupi hetimor ndodhet në vendngjarje dhe po punon për sqarimin e rrethanave të rastit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
