Gjykata e Breshias në Itali ka liruar kosovarin Gafur Dibrani, 24-vjeçari i arrestuar dy javë më parë në Fiesse, me akuzën e përhapjes së propagandës xhihadiste.
Gjykata ka pranuar kërkesën e avokatit mbrojtës të Dibranit. Ai është arrestuar më 3 nëntor ndërsa pritej të nisej për në Gjermani së bashku me familjen.
Dibrani kishte postuar në profilin e tij foto të Osama bin Ladenit, por edhe foto të Adem Jasharit dhe UÇK-së. Në profilin e tij janë shpërndarë edhe foto të Emir Khattab, një prej krerëve të terrorizmit në vitet 1996-2002 dhe të Rexhep Memishit, predikues radikal në MAqedoni, aktualisht i dënuar me 7 vjet burg për pjesëmarrje në grupe terroriste.
Hetimet zbuluan se Dibrani ishte në kontakt me Resim Kastratin, 23-vjeçari i dëbuar nga Italia në 2-15 dhe më vonë edhe nga Gjermania me akuzën e mbështetjes së idologjisë islamike.
Dibrani i ka thënë trupit gjykues se nuk ka bërë asgjë të keqe dhe ishte kundër terrorizmit të Shtetit Islamik.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
