Është gjetur i pajetë trupi i një 75-vjeçari me iniciale Q.Z në qytetin e Gramshit i cili ishte denoncuar si i zhdukur nga djali i tij dy ditë më parë. Dyshohet se i moshuari është mbytur në lumë, ndërkohë që nga kqyrja paraprake e trupit nuk janë konstatuar shenja dhune. Në njoftimin e policisë thuhet: Gramsh/ Informacion paraprak Më datë 19.07.2023, në fshatin Pishaj, në shtratin e lumit Devoll, është gjetur i pa jetë, shtetasi Q. Z., 75 vjeç, banues në Gramsh, i cili dyshohet se është mbytyr në lumë. Nga kqyrja paraprake e trupit të 75-vjeçarit, nuk janë konstatuar shenja dhune. Për këtë shtetas, më datë 17.07.2023, ka bërë kallëzim në Polici, djali i tij shtetasi L. Z., 43 vjeç, ku ka deklaruar se është larguar nga banesa babi i tij dhe nuk është kthyer më. Grupi hetimor po punon për dokumentimin e plotë të rrethanave të ngjarjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
