Sherr mes të rinjve në Korçë, plagoset me thikë 19-vjeçari

Një i ri ka mbetur i plagosur me thikë në qytetin e Korçës pas një konflikti të çastit.

Ngjarja ka ndodhur pasditen e sotme rreth orës 15:30, ku policia është njoftuar se në Spitalin Rajonal Korçë, ka shkuar shtetasi E. T., rreth 19 vjeç, banues në Korçë, i plagosur me thikë.

Burime policore bëjnë me dije se 19-vjeçari dyshohet se gjatë një konflikti për motive të dobëta, në lagjen nr. 16, Korçë, me shtetasin A. E., është dëmtuar me mjet prerës në këmbë dhe aktualisht ndodhet jashtë rrezikut për jetën.

Uniformat blu po punojnë për zbardhjen e plotë të shkaqeve të ngjarjes si dhe kapjen e autorit.