Një aksident rrugor është regjistruar në aksin nacional Pushimi i Shoferit–Fier Shegan, në dalje të fshatit Rrupaj.
Sipas informacioneve paraprake, një automjet me targa greke ka tentuar të parakalojë një mjet me targa italiane.
Si pasojë e manovrës së gabuar, automjeti me targa italiane ka dalë nga rruga dhe ka përfunduar në kanal.
Tre personat që udhëtonin në automjetin me targa italiane, dy bashkëshortë dhe djali i tyre i rritur janë transportuar me urgjencë drejt Spitalit të Lushnjës me dy autoambulanca.
Policia ndodhet në vendngjarje, ku po kryen veprimet për dokumentimin e rrethanave të aksidentit, ndërsa po disiplinon edhe qarkullimin e mjeteve në këtë segment rrugor.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
