Arrestohet në Stamboll shqiptari nga Kosova, dyshohet se menaxhonte rrjetin financiar të Mossad-it në Turqi

<p>Policia e Stambollit ka arrestuar Liridon Rexhepin, të cilin Organizata Kombëtare e Inteligjencës Turke (MIT) e identifikoi si kreun e rrjetit financiar të Mossad në Turqi. Lajmin e bën të ditur agjencia turje e lajmeve, <a href="https://www.aa.com.tr/en/turkiye/istanbul-police-arrest-mossads-financial-network-chief-in-turkiye/3319821">Anadoly Agency</a>.</p> <p>Sipas burimeve, Rexhepi ka menaxhuar operacionet financiare të agjencisë izraelite të inteligjencës Mossad në Turqi. Gjithashtu u zbulua se, nën udhëzimet e shërbimit të inteligjencës izraelite, Rexhepi ka kryer përgjim me dron dhe operacione psikologjike kundër politikanëve palestinezë.</p> <p>Ai u zbulua se u kishte transferuar fonde agjentëve në terren në Turqi, të cilët po mblidhnin informacione mbi Sirinë.</p> <p>Aktivitetet e Rexhepit, duke përfshirë edhe transaksionet e dyshimta në llogaritë e tij, monitoroheshin nga MIT.</p> <p>Hetimi përcaktoi se ai transferoi shuma të konsiderueshme parash përmes Western Union tek agjentët në terren në Turqi. Aktivitetet e tij ishin gjurmuar që nga hyrja e tij në vend më 25 gusht.</p> <p>Rexhepi, i cili u ndalua më 30 gusht nga MIT dhe Policia e Stambollit, pranoi se kishte transferuar para.</p> <p>Operacionet e MIT zbuluan se Mossad financoi agjentët e saj në terren në Turqi përmes vendeve të Evropës Lindore, kryesisht në Kosovë.</p> <p>Hetimi tregoi se fondet nga Kosova u transferuan në burime në Siri përmes Ëestern Union dhe kriptomonedhës.</p>