Gjykata e Apelit ka lënë të lirë Gjergj Cukalin, i arrestuar për vrasjen e ish-efektivit, Arben Bilali në 30 janar të këtij viti.
Në seancën e sotme, gjykata vendosi të zëvendësojë masën e sigurisë nga "arrest me burg" në "detyrim paraqitje".
Identifikimi i Cukalit si autor i dyshuar u bë nga analizat e ADN-se të marra nga një shishe ujë gjendur në makinën e përdorur pas vrasjes së Bilalit.
I vetmi që ngelet në burg për vrasjen e ish-policit Bilali, i cili u qëllua me breshëri plumbash në derë të shtëpisë, është Arben Xhetani një ish i dënuar për vjedhje, i cili dyshohet se ka siguruar mjetet për të kryer vrasjen si edhe ka vëzhguar lëvizjet e viktimës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
