Një 30-vjeçar nga Maliqi është arrestuar nga policia, pasi dyshohet se është autor i grabitjes së një zyre që jep kredi. Sipas burimeve nga policia, rreth orës 15:45, pas marrjes së informacionit se në lagjen nr. 7, Korçë, në një zyrë e cila shërben për dhënie kredie, kishte hyrë një shtetas i paidentifikuar. Nën kërcënimin e një pistolete lodër, ai ka marrë një vlerë monetare dhe më pas është larguar me shpejtësi. Forcat e policisë organizuan punën për identifikimin dhe kapjen e tij.
Falë reagimit në kohë, rrethimit të zonës dhe informacioneve të marra u bë i mundur identifikimi, lokalizimi, kapja dhe arrestimi i autorit të dyshuar, shtetasit Bardhyl Avdollari, 30 vjeç, banues në fshatin Vashtëmi, Maliq.
Gjithashtu shërbimet e policisë, gjatë kontrollit fizik të autorit, i gjetën një pistoletë lodër dhe shumën prej 5000 lekë të vjedhura. Materialet do t’i kalojnë Prokurorisë së Rrethit Gjyqësor Korçë, për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
