Një 33-vjeçar është plagosur sot në Fier, ndërkohë që policia ka shpallur në kërkim autorin e dyshuar. Ngjarja ndodhi rreth orës 14:00, në fshatin Sulaj.
Burime policore bëjnë me dije se shtetasi me inicialet R. M., 44 vjeç, në rrethana e motive ende të paqarta ka plagosur me armë zjarri pistoletë 33-vjeçarin P. P.
I plagosuri është dërguar për ndihmë mjekësore në spitalin e Fierit ku raportohet se ndodhen nën kujdesin e mjekëve.
Menjëherë forca të shumta Policie kanë shkuar në vendngjarje dhe vijon krehja e zonës si edhe janë ngritur pika kontrolli në hyrje-dalje të Fierit për kapjen e autorit.
Grupi hetimor nën drejtimin e Prokurorisë vijon punën për zbardhjen e rrethanave dhe motivit të ngjarjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
