Pas publikimit në media të deklaratave të banorëve të fshatit Greçall në lidhje me vrasjen e 8-vjeçarit nga Klodian Çalamani, SHÇBA ka nisur hetimet për veprimet e policisë Fier.
Në një deklaratë për mediat, SHÇBA thotë se hetimi për policinë Fier do të jetë në lidhje me denoncimet e mëparshme ndaj autorit të ngjarjes.
Kujtojmë se ditën e martë, Klodian Çalamani i mori jetën fqinjit të tij 8-vjeç duke e goditur pas koke dhe më pas groposur në oborrin e shtëpisë së tij. Ngjarja u zbulua pasi i mituri prej disa orësh nuk kishte shkuar në shtëpi dhe nëna e vogëlushit denoncoi në polici zhdukjen e tij. Pas kësaj, nga këqyrja e kamerave të sigurisë së bizneseve pranë, u vu re se i mituri kishte hyrë në banesën e Çalamanit dhe nuk kishte dalë më prej atje. Me mbërritjen e policisë, Çalamani rrëfeu krimin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
