Është arrestuar Pëllumb Muska, 57 vjeç, drejtuesi i mjetit që dje aksidentoi për vdekje 39-vjeçaren Nertila Abazaj një ditë më parë në aksin rrugor Levan-Tepelenë.
Ndaj tij rëndon akuza për “Shkelje të rregullave të qarkullimit rrugor”, me pasojë vdekjen.
Sipas informacioneve, Muska dhe pasagjeri që ndodhej në automjetin e tij, Sadik Rama, ndodhen ende në spital, por janë jashtë rrezikut për jetën.
Aksidenti ndodhi të dielën në kryqëzimin që lidh fshatin Varibop me autostradën Levan-Tepelenë.
Sipas të dhënave paraprake, automjeti që drejtonte 39-vjeçarja Abazaj ka dalë nga rruga për të hyrë në autostradë dhe në atë moment është përplasur me një furgon.
Si pasojë e përplasjes së fortë, ajo humbi jetën në vendngjarje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
