Një 23-vjeçar shqiptar është arrestuar nga autoritetet italiane, nën akuzën e shpërndarjes së lëndëve narkotike. Sipas raportimeve në mediat italiane, karabinierët kanë sekuestruar një sasi prej 409 gramë kokainë dhe 281 gramë hashash, 3 peshore precize, materiale të ndryshme për paketimin e drogës dhe gati 50 mijë euro para cash, të cilat dyshohet se kanë ardhur si rezultat i shpërndarjes së drogës.
Shqiptari është kapur në flagrancë nga efektivët, teksa shiste një dozë kokaine një personi. Të kapur në momentin e shkëmbimit, të dy u bllokuan menjëherë dhe në makinën e të riut shqiptar iu gjetën 35 doza të tjera kokainë, përveç 40 eurove cash të grumbulluara për drogën e sapo shitur. Pasi të shitej, e gjithë droga e sekuestruar do të kishte një vlerë tregu mbi 34 mijë euro.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
