Roja i një lokali në Vlorë është kapur me drogë, të cilën dyshohet se e shiste gjatë punës së tij. Erklejd Gjinaj, 28 vjeç, banues në Librazhd u arrestua mbrëmjen e djeshme.
Gjatë kontrollit të ushtruar në një lokal në fshatin Borsh, në të cilin Gjinaj punonte si roje, efektivët e policisë kanë konstatuar një çantë sportive ku brenda së cilës u gjetën 2 pako me material bimor kanabis sativa.
Pas peshimit, lënda narkotike ka rezultuar me peshë prej 1 kg e 400 gramë, e dyshuar si kanabis sativa, e cila u sekuestrua në cilësinë e provës materiale.
Gjinaj u arrestua në kushtet e flagrancës, nën akuzën e veprës penale “Prodhimi dhe shitja e narkotikëve”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
