Policia e Kosovës po vazhdon edhe sot aksionin në fshatin Banjskë të Zveçanit në veri të vendi.
Nga ky sulm terrorist, dje një polic i Kosovës mbeti i vrarë e dy të tjerë të plagosur, ndërsa nga grupi terrorist deri më tani tre prej tyre janë vrarë dhe janë arrestuar dy të tjerë.
Ndërkohë, edhe sot Manastiri i Banjskës është nën kontrollin e policisë.
Nga ana tjetër dy vendkalimet kufitare me Serbinë, Bërnjak dhe Jarinje vazhdojnë të jenë të mbyllura për qarkullime dhe gjatë ditës së hënë.
Këto dy pika kufitare u mbyllen të dielën, pas sulmeve terroriste ndaj Policisë së Kosovës, ku u vra një polic, një u plagos dhe një tjetër u lëndua.
Pas aktit terrorist, rreth 30 persona të armatosur u fshehën në manastirin në Banjskë. Policia e Kosovës ftoi personat e armatosur të dorëzohen por ata vazhduan me sulme ndaj policisë.
Njëri nga sulmuesit i cili u arrestua nga Policia e Kosovës, u dërgua për tretman mjekësor në QKUK.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
