Inspektorati Kombëtar i Mbrojtjes së Territorit ka kallëzuar penalisht pranë Prokurorisë së Rrethit Gjyqësor Lezhë, kryebashkiakun e këtij qyteti, Fran Frrokaj.
Ky i fundit akuzohet për shpërdorim detyre. Po ashtu, IKMT ka kallëzuar penalisht edhe drejtorin e drejtorisë së Planifikimit të Territorit, Sokol Toma.
Akuzat kanë të bëjnë me lejet e lëshuara për kryerje ndërtimesh në vijën bregdetare të Shëngjinit, objekte IKMT i ka cilësuar të paligjshme.
Sipas IKMT-së, leje janë dhënë edhe për të ndërtuar në vende ku më parë janë prishur objekte të jashtëligjshëm nga ky institucion.
Kallëzimi i IKMT-së vjen një ditë pas tensioneve në KZAZ e Lezhës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
