Një ambient i cili më herët ka funksionuar si lokal, pranë Universiteti “Aleksandër Xhuvani”, është rrethuar pasditen e sotme nga forcat e policisë së Elbasan.
Sipas informacioneve paraprake, në vendngjarje janë parë efektivë të shumtë policie, të cilët kanë vendosur edhe shiritin e sigurisë rreth ambientit, duke kufizuar aksesin.
Burime jozyrtare bëjnë me dije se objekti dyshohet të jetë përdorur për ushtrimin e prostitucionit, ndërsa hetimet janë ende në fazë fillestare.
Nga të njëjtat burime mësohet se disa persona janë shoqëruar në komisariat për verifikime të mëtejshme, por ende nuk dihet roli i tyre konkret në këtë aktivitet të dyshuar.
Policia nuk ka dhënë një reagim zyrtar deri në këto momente, duke lënë të paqarta detajet e plota të operacionit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
