Lezhë, gruaja bie në lumë dhe rrezikon të mbytet

Një ngjarje e rëndë është regjistruar në Lezhë ku një grua ka rrezikuar jetën pasi ra në ujërat e lumit Drin.

Ngjarja ka ndodhur paraditen e sotme pranë urës së vjetër në lagjen Skënderbeg të Lezhës.

Sipas informacioneve mësohet se 47-vjeçarja Suela Kripti ka rënë në lumë nga pakujdesia duke rrezikuar më pas jetën.

Fatmirësisht policia dhe zjarrfikëset të cilat kanë shkuar në vendngjarje kanë bërë të mundur nxjerrjen nga ujë të gruas duke e dërguar me urgjencë në spital për ndihmë mjekësore.

Grupi hetimor në vendin e ngjarjes po punon për zbardhjen e plotë të rrethanave të ngjarjes.