Po transportonin emigrantë të paligjshëm kundrejt pagesës, dy të arrestuar në Tiranë

Dy persona janë vënë në prangat e policisë së Tiranës pasi u kapën duke transportuar 5 emigrantë të paligjshëm, kundrejt pagesës.

Të arrestuarit janë A. M., 24 vjeç dhe I. V., 22 vjeç, banues në Kukës. 

Dy të rinjtë u kapën në flagrancë në vendin e quajtur  “Mbikalimi i Kasharit” duke transportuar me një automjet, 5 emigrantë, të cilëve kundrejt pagesës 2700 euro secili, iu kishte premtuar transportimin me destinacion final shtetin Francez.

Në cilësinë e provës materiale u sekuestruan një automjet dhe dy aparate celulare. 

Aktualisht vijojnë hetimet për dokumentimin e plotë të kësaj veprimtarie kriminale, identifikimin dhe kapjen e shtetasve të tjerë të përfshirë në të.