Tentoi të vidhte një market në pedonalen e qytetit të Krujës, shoqërohet 14-vjeçari (VIDEO)

Policia e Krujës ka shoqëruar në komisariat një 14-vjeçar i cili tentoi të vidhte një market në pedonalen e qytetit. 

Pas njoftimit për një tentativë për vjedhje me thyerje, në orët e para të mëngjesit të sotëm, në një market në pedonalen e qytetit , u identifikua dhe u shoqërua në ambientet e Komisariatit, pak orë pas kryerjes së krimit, autori i dyshuar i rastit, një 14-vjeçar, me të cilin vijojnë të kryhen veprime procedurale, me asistencën e prindërve, mbrojtësit ligjor dhe psikologut.

 

Është sekuestruar sendi i fortë (çekiç) me të cilin 14-vjeçari theu xhamat e subjektit, dhe veshjet që mbante në momentet e krimit.

 

Materialet procedurale iu referuan Prokurorisë, për veprime të mëtejshme.