Një gazetar afgan u qëllua për vdekje dje, një ditë pasi talebanët paralajmëruan mediat kundër “raportimit të njëanshëm”.
Gazetari Remat Rawan, i cili një muaj më parë kishte filluar si specialist i komunikimit në Ministrinë e Financave, u vra në një sulm nga dy persona të armatosur në jug të qytetit Kandahar, duke u bërë gazetari i pestë i vrarë këtë vit.
20-vjeçari, prezantues i nje programi të njohur debatesh, i cili transmetohej ne kanalin vendas “tolo news”, ishte baba i një djali tre vjeç.
Presidenti afgan deklaroi se vrasja e Rawan ishte një “sulm terrorist”, pasi një ditë më pare, një zëdhënës i talebaneve paralajmëroi që punonjësit e medias që kryejnë raportim të njëanshëm, do të ndëshkohen.
11gazetarë afganë u vranë në vitin 2020, ndërsa katër të tjerë këtë vit.
Komiteti i Sigurisë i gazetarëve afganë bëri te ditur se në gjashtë muajt e fundit, rreth 1000 punonjës të medias kanë braktisur profesionin si pasojë e kërcënimeve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
