Policia Rrugore e Tiranës njofton se ka rritur prezencën në rrugë dhe ka intensifikuar kontrollet me radarë e dragera me qëllim parandalimin e aksidenteve rrugore.
Përgjatë ditës së djeshme dhe deri në orët e vona të mbrëmjes, Policia Rrugore e Tiranës ka monitoruar me radar qarkullimin rrugor në aksin Sauk-Teg-Krrabë e anasjelltas dhe Tiranë-Vorë-Tiranë.
Nga ky monitorim, janë evidentuar 13 drejtues automjetesh, të cilët për shkak të shpejtësisë së ngasjes së mjeteve, iu është pezulluar leja e drejtimit nga 1 deri ne 12 muaj.
“Si rezultat i kontrolleve vetëm gjatë orëve të mbrëmjes së sotme deri në orën 23:20, janë evidentuar nga monitorimi me radar, 13 drejtues mjetesh që qarkullonin me shpejtësi mbi normat e lejuara, shpejtësi që varionin nga 140 km/h deri 178 km/h, rrezik potencial për përfshirje në aksident rrugor, të cilëve iu është pezulluar leja e drejtimit nga 1 deri në 12 muaj. Janë ndëshkuar me masë administrative nga 2.000 deri në 4.000 lekë të rinj, 26 drejtues mjetesh për shpejtësi nga 121 km/h deri në 127 km/h. Kontrollet kanë vazhduar dhe po vijojnë në të gjitha rrugët e kryeqytetit duke përdorur alkooltestuesit dhe si rezultat janë evidentuar deri në këto momente dhe iu është pezulluar leja e drejtimit 11 drejtuesve të automjeteve, të cilët drejtonin mjetin nën efektin e alkoolit , në masën që varionte nga 0.31 mg/l deri në 0.47 mg/l. Janë ndëshkuar me masë administrative nga 5.000 deri në 15.000 lekë të rinj 17 drejtues mjetesh për drejtim mjeti nën efektin e alkoolit që varionte nga 0.11 mg/l deri në 0.29 mg/l”, thuhet në njoftim.
Gjithashtu, janë evidentuar dhe arrestuar në kushtet e flagrancës edhe dy drejtues mjetesh që drejtonin mjetin në gjendje të dehur dhe një që drejtonte mjetin pa leje drejtimi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
