Ministria e Bujqësisë dhe Zhvillimit Rural në bashkëpunim me prodhuesit e verërave dhe Shoqatën e Restoranteve dhe Bujtinave, prezantuan ekselencat shqiptare në prodhimin e verërave dhe produktet e traditës, në konkursin e verës “Verërat Arbëreshe” të organizuar nga prodhuesit e verës arbëreshe në Vacarizzo Albanese, në rajonin e Kalabrisë, Itali. E pranishme në këtë event të rëndësishëm ministrja e Bujqësisë dhe Zhvillimit Rural, Frida Krifca, tha se, “u organizuam institucionalisht, për herë të parë, me prodhuesit tanë të verërave dhe Shoqatën e Restoranteve dhe Bujtinave për të prezantuar ekselencat shqiptare në prodhimin e verërave dhe produktet e traditës në konkursin e verës “Verërat Arbëreshe” të organizuar nga prodhuesit e verës arbëresh në Vacarizzo Albanese”. Edicioni i 18-të i Panairit të verës “Vini Arbëreshë”, që u mbajt në Vaccarizzo Albanese, në Kalabri, në zonën arbëreshe, bëri bashkë prodhuesit më të spikatur të verës tradicionale arbëreshe dhe shqiptare, me qëllimin promovimin e cilësisë së verës, ripërtëritjen e identitetit historik, kulturës dhe traditës shqiptare. Eventi synon promovimin dhe rritjen e verërave nga prodhuesit e vegjël në komunat arbëreshe dhe zgjerimin e bashkëpunimit me prodhuesit shqiptar të këtij sektori.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
