Pikërisht në ditën ndërkombëtare të homofobisë dy meshkuj u dënuan me rrahje të egër, të akuzuar se kishin konsumuar një raport seksual.
Dy të rinj indonezianë u dënuan më 17 maj me 85 rrahje me shkopinj hekuri. Gjithçka ndodhi në provincën e Aceh, ku dy të dhunuarit me moshë 20 dhe 23 vjeç u rrahën publikisht për katër orë me radhë.
Ndërkohë gjykata vendosi që të mos dënohen maksimalisht me 100 goditje me shufra, për shkak se u treguan të edukuar dhe bashkëpunues në gjyq. Njëri prej të rinjve shpërtheu në të qarë gjatë leximit të dënimit, duke kërkuar falje.
Dy të rinjtë, u arrestuan në muajin mars, pasi banorët e zonës së Banda Aceh i gjetën në një dhomë duke bërë seks.
Dy të rinjtë u filmuan në momente intime dhe video e këtyre momenteve u publikua në rrjetet sociale, ku njëri shihet duke kërkuar ndihmë, ndërsa tjetri shtyhej vazhdimisht duke mos e lejuar të dalin nga dhoma.
Indonezia është vendi më i madh me shumicë myslimane në botë. Por pavarësisht kësaj provinca e Aceh është e vetmja që e aplikon ekzaktësisht ligjin e sharia.
Rrahja me shufra hekuri është dënimi më i rëndë për fyerje morale, siç cilësohen edhe raportet homoseksuale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
