Drejtori i Përgjithshëm i Policisë së Shtetit, Muhamet Rrumbullaku ka zhvilluar një takim në Shkodër, i shoqëruar nga drejtues të Departamentit të Krimeve. Sipas burimeve, mësohet se kryepolici është takuar me drejtues të lartë të Policisë së Shkodrës, ku ka kërkuar zbardhjen e ngjarjeve që kanë tronditur Shkodrën.
Qëllimi kryesor i këtij takimi mësohet se ka qenë zbardhja e vrasjes së 19-vjeçarit Erjon Xhenje. Rrumbullaku ka kërkuar administrimin e të gjithë provave që disponon policia ndërkohë që sektori i kriminalistikës pranë Drejtorisë së Përgjithshme është vënë në dispozicion të grupit hetimor për zbardhjen e kësaj ngjarje të rëndë që ka tronditur Shkodrën. Burimet bëjnë me dije se takimi ka zgjatur rreth 60 minuta. 19-vjeçari Erjon Xhenje u ekzekutua më datë 18 Shtator brenda një lokali në bulevardin Bujar Bishanaku në Shkodër.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
