Ksamil/ Dhunuan me sende të forta 46-vjeçarin, arrestohen tre persona, një 17-vjeçar dhe bashkëshortja e të lënduarit nën hetim

Policia e Sarandës ka vënë në pranga tre shtetas që dhunuan 46-vjeçarin Alber Pashaj gjatë një konflikti të ndodhur një ditë më parë në Ksamil. 

Në prangat e policisë kanë rënë Agim Taraj, 43 vjeç, Silvian Sulku, 18 vjeç dhe Aldo Zeqiraj, 35 vjeç. 

Në procedim të lirë është vënë edhe një 17-vjeçar. 

Sipas policisë, të katërt kanë goditur me sende të forta 46-vjeçarin, duke i shkaktuar dëmtime trupore. 

Ndërkohë, për veprën penale “shkatërrim prone” është proceduar penalisht bashkëshortja e të dëmtuarit, O. P., 40 vjeçe, e cila ka dëmtuar ambientin e një “beach bar”-i në pronësi të njërit prej të arrestuarve. 

Materialet i janë referuar Prokurorisë së Sarandës për veprime të mëtejshme.