Një prej ushtarëve shqiptarë që u fotografuan teksa bënin simbolin e shqiponjës në Greqi thotë se pavarësisht se mund të ketë qenë një veprim i gabuar, ai është krenar që është shqiptar.
Fotoja e shtatë ushtarëve që u fotografuan teksa bënin shqiponjën në qendrën e trajnimit në Mesologji bëri bujë në rrjet dhe në qarqet politike në vend.
Ushtari i pyetur nga televizioni grek “Star” thotë se simbolin e shqiponjës e bënë 7 ushtarë, por ishin të gatshëm për ta bërë 400 të tillë.
Ai thotë se fotoja është ngarkuar në rrjet pa dijeninë e tij.
Ushtari i dënuar me 60 ditë burg pranon se ky ishte një veprim i gabuar, por megjithatë është krenar që është shqiptar dhe që e ka bërë shërbimin ushtarak në Greqi.
"Edhe pse kam lindur në Greqi dhe jam rritur këtu, unë jam krenar që jam shqiptar”, tha ai.
Ministri grek i Mbrojtjes, duke iu referuar incidentit disa ditë më parë foli për “një plan më të gjerë rigjallërimit të nacionalizmit shqiptar, i mbështetur së fundmi nga deklaratat e kryeministrit të Shqipërisë, Edi Rama, për çamët”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
