Një nga të akuzuarit kryesorë nga SPAK për çështjen e inceneratorëve, Klodian Zoto, është ende në kërkim. Burimet i thanë MCN TV se Klodian Zoto dyshohet të ketë kaluar kufirin në mënyrë të paligjshme pasi në sistemin TIMS nuk rezulton i regjistruar kalimi i tij. Përpjekjet e policisë për ta arrestuar kanë qenë deri tani pa sukses, pasi u fshihet autoriteteve.
Një ditë më parë, SPAK lëshoi tre urdhër-arreste në ngarkim të ish-ministrit Lefter Koka, administratorit të shoqërisë “Integrated Technology Services”, Klodian Zoto dhe administratores së shoqërisë “Albtek Energy” sh.p.k., Stela Gugalli.
Aktualisht në burg ndodhet vetëm ish-ministri Koka, ndërsa dy të tjerët janë ende në kërkim nga policia.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
